Pixelfed is in fergese en iepen-boarne tsjinst foar it dielen fan ôfbyldings op sosjale netwurken. It is desintralisearre, dêrom wurde brûkersgegevens net opslein op in sintrale server, yn tsjinstelling ta oare platfoarms. Pixelfed brûkt it ActivityPub-protokol wêrmei brûkers kinne ynteraksje mei oare sosjale netwurken binnen it protokol, lykas Mastodon, PeerTube, en Friendica. It brûken fan dit protokol makket Pixelfed in diel fan 'e Fediverse. It netwurk bestiet út ferskate ûnôfhinklike siden dy't mei-inoar kommunisearje, wat sawat te fergelykjen is mei e-postproviders. De belutsen partijen hoege net allegear by deselde provider oanmeld te stean, mar kinne wol mei-inoar kommunisearje. Sa kinne brûkers har oanmelde op elke server en oaren folgje op 'e oare eksimplaren.