Wheelmap.org ta un mapa online, mundial pa haña i marka lugánan aksesibel pa stul di ròl, desaroyá pa e organisashon sin fin di lucro aleman Sozialhelden e.V. Tur hende por haña i agregá lugánan públiko na e mapa i balorá nan segun un sistema di lus di tráfiko simpel. E mapa, ku ta basá riba OpenStreetMap, a wòrdu kreá na 2010 dor di un tim rondó di e empresario sosial Raul Krauthausen pa yuda hende ku ta usa stul di ròl òf kana ku wil pa plania nan dianan mas fásil. Mayornan ku ta pusha un garoshi di beibi tambe por benefisiá di e informashon di Wheelmap. Aktualmente kasi 600.000 lugá públiko rònt mundu por wòrdu hañá riba e mapa. Mas o ménos 300 lugá nobo ta wòrdu agregá riba un base diario. Wheelmap ta disponibel riba e wèpsait i komo un app pa iOS, Android i Windows Phone.