Kon pa entregá un bien/servisio?
Nos ta rekomendá enfátikamente pa lesa E Orígen di Mayoria Problema buki liber di interkambio pa asina komprondé e konsepto aki den su totalidat. Despues di lesa e buki, aki un splikashon kòrtiku di kiko nos ta spera pa usuarionan entregá na e direktorio aki.
01. E mester ta tokante un bien/servisio i no tokante un proyekto/organisashon.
Nos ta interesá den loke otronan ta ofresé na abo, ami i otronan. No ken nan ta òf nan proyektonan. Komo ehèmpel: Dokternan Sin Frontera ta un organisashon ku por wòrdu agregá na e direktorio pasobra nan ta ofresé un servisio (yudansa médiko). E ta wòrdu agregá prinsipalmente pa motibu di loke nan ta ofresé. No mester importá si un organisashon ta privá, sin ganashi, ta dependé di donashonnan, ta open source òf ta propietario. Nos ta preokupá pa loke nan ta proveé. E ta tokante e bon/servisio.
02. E organisashon mester ta ofresé e bien/servisio kontinuamente.
Kathy ta ofresé su mesa bieu komo trade-free pa kualke hende ku ke esaki, ta great, pero esakinan ta biennan/servisio temporal i nos direktorio no ta konstruí pa esei. Pues, por fabor hasi sigur ku e bien/servisio ku bo ta entregá ta wòrdu ofresé na un manera sostené i kontinuo.
03. E bien/servisio mester ta liber di interkambio. Òf mas serka posibel.
Si organisashon A ke proveé buki digital pa hende, anto esei ta loke bo ta spera di nan. Un lugá kaminda bo por haña akseso na e bukinan, i no mas ku esei. Si, en bes di esei, nan ta pidi moneda pa bo por haña akseso na e bukinan, e ora ei esei no ta un servisio liber di interkambio. Si nan ta pone propaganda riba nan wèpsait kaminda bo por lesa e bukinan, e ora ei esei ta nifiká ku nan ke mas di bo ku djis proveé bo ku buki (nan ke bo atenshon). Si nan pidi plaka, registrashon, like, komentario, kompartí, òf mina bo datonan pa propósitonan di ganashi òf inyektá propaganda den bo kara, esei ta nifiká ku nan ke hasi komersio ku bo, a kambio di e servisio ku nan ta proveé (buki).
Si organisashon A ta proveé buki i bo por haña akseso na nan sin duna nada a kambio (dato, moneda, atenshon, etc.) e ora ei esei ta un bien/servisio liber di komersio. Pues, si entre abo i e bien/servisio no tin komersio, e ora ei e bien/servisio ei ta liber di komersio.
