SOS Children’s Villages tambe konosí komo Save Our Soul ta un organisashon di desaroyo internashonal independiente, no-gubernamental i sin fin di lucro ku sede na Innsbruck, Austria. E organisashon ta duna asistensia humanitario i di desaroyo na muchanan den nesesidat i ta protehá nan interes i derechonan rònt mundu. E promé SOS Children’s Village a wòrdu fundá na 1949 na Tirol, Austria dor di un filántropo Austriaco Hermann Gmeiner despues di e realisashon ku e guera mundial a laga hopi mucha huérfano i neglishá. Awendia, SOS Children’s Villages ta aktivo den 135 pais i teritorio rònt mundu. SOS Children’s Villages ta proveé ​​famianan alternativo na muchanan sin kuido di mayornan adekuá. Muchanan di diferente edat i antecedente ta biba huntu den un kas ku un mayor di tempu kompletu, normalmente un hende muhé ku ta sirbi komo mayor di e muchanan. Normalmente tin 6 pa 15 kas den un SOS Village típiko. Ademas di e Pueblonan, e organisashon tambe ta manehá henter un rango di programa i fasilidatnan pa sostené famianan sosialmente desfaborabel i pober a traves di su kleuterschoolnan subsidiá, skolnan básiko i sekundario, fasilidatnan pa hubentut, sentronan sosial i médiko, i operashonnan di alivio di kontesta di emergensia. Na 2017, mas ku 85.000 mucha i hóben ta wòrdu lantá den 572 Pueblo di Mucha di SOS i mas ku 700 Fasilidat pa Hóben di SOS. Otro 3.8 mion mucha i adulto a risibí servisio di nan otro programanan.