SMPlayer ta un media player grátis pa Windows i Linux ku kódeknan inkorporá ku por toka práktikamente tur formato di video i oudio. E no mester di ningun kódek eksterno. Djis instala SMPlayer i lo bo por hunga tur formato sin e molèster di buska i instala paketenan di kódek. Un di e karakterístikanan mas interesante di SMPlayer: e ta kòrda e settingnan di tur e archivonan ku bo ta toka. Pues bo ta kuminsá wak un pelíkula pero bo mester sali... no preokupá, ora bo habri e pelíkula ei atrobe e lo wòrdu reanudá na e mesun punto ku bo a lag’é, i ku e mesun settingnan: pista di oudio, suptítulo, volúmen... SMPlayer ta un interfase di usuario gráfiko (GUI) pa e premiá MPlayer, ku ta kapas pa toka kasi tur formato di oudio i video konosí. Pero fuera di duna akseso na e opshonnan mas komun i útil di MPlayer, SMPlayer ta agregá otro funshonnan interesante manera e posibilidat pa hunga videonan di Youtube òf download subtítulo.