Quad9 ta un resolver DNS rekursivo públiko global ku tin komo meta pa protehá usuarionan di malware i phishing. Quad9 ta wòrdu operá pa e Fundashon Quad9, un fundashon Suiso di benefisio públiko, sin fin di lucro ku e propósito di mehorá e privasidat i seguridat sibernétiko di usuarionan di Internèt, ku sede na Zurich. E ta e úniko resolver públiko mundial ku ta wòrdu operá sin fin di lucro, na benefisio públiko. Quad9 ta kompletamente sometí na lei di privasidat Suiso, i e gobièrnu Suiso ta ekstendé e protekshon di lei ei na e usuarionan di Quad9 rònt mundu, sin importá nan siudadania òf pais di residensia. Quad9 ta aktualmente e úniko resolver rekursivo global ku no ta sometí na lei di Merka, ya ku e otronan ta kada un domisiliá den e Área di Bahia di San Francisco i ta wòrdu goberná pa e Korte Federal di Merka di Distrito Nort di California.