Proyekto Gutenberg (PG) ta un esfuerso boluntario pa digitalisá i archivá obranan kultural, pa “enkurashá kreashon i distribushon di eBooks”. El a wòrdu fundá na 1971 dor di e eskritor merikano Michael S. Hart i ta e biblioteka digital di mas bieu. Mayoria di e artíkulonan den su kolekshon ta e tekstonan kompletu di bukinan di dominio públiko. E Proyekto ta purba di hasi esakinan mas grátis posibel, den formatonan habrí i duradero ku por wòrdu usá riba kasi kualke kòmpiuter. Te ku 23 di yüni 2018, Proyekto Gutenberg a alkansá 57.000 artíkulo den su kolekshon di eBook grátis. E lansamentunan ta disponibel den teksto simpel pero, kaminda ta posibel, otro formatonan ta inkluí, manera HTML, PDF, EPUB, MOBI i Plucker. Mayoria di e lansamentunan ta den e idioma ingles, pero hopi obra no-ingles tambe ta disponibel. Tin múltiple proyekto afiliá ku ta proveé ​​kontenido adishonal, inkluyendo obranan regional i spesífiko pa idioma. Proyekto Gutenberg tambe ta estrechamente afiliá ku Distributed Proofreaders, un komunidat basá riba Internèt pa korekshon di tekstonan skan.