Den e Proyekto di Pocket Science Lab nos ta krea aplikashonnan di telefon i desktop pa rekohé midimentu i dato pa solushoná problemanan global ku siensia i konstruí un mundu sostenibel. Ku e appnan di PSLab pa telefòn selular i di mesa ta posibel pa usa sensornan di un telefon òf PC di mesa pa rekohé midimentu i dato. E app ta bini ku un Osiloskop, Multimeter, Generador di Ola, Analizadó Lógiko, Fuente di Energia, i nos ta agregá konstantemente mas instrumento digital òf asta kòntròlnan robótiko. Ku aplikashonnan di PSLab bo telefon òf PC ta bira manera hopi aparato den un. Agregando sensornan di Open Standards ampliamente disponibel i e plachi PSLab bo por ekstendé bo aparato pa ta un laboratorio kompleto den saku. Bo por rekohé dato di aire, temperatura, kalidat di awa, e nivel di radioaktividat i kualke kos ku bo por imaginá. Unabes bo ta kla bo por kompartí e datonan, saka konklushonnan sientífiko, i kuminsá tuma akshon pa kambia e mundu rònt di bo pa e ta mas sostenibel. I komo desaroyador bo por krea bo mes plugins i front-ends pa integrá e bibliotekanan di siensia di PSLab den otro solushonnan.