E Movementu Inalámbriko Habrí ta un koalishon di defensornan di libertat di Internèt, kompanianan, organisashonnan i teknologonan ku ta traha pa desaroyá teknologianan nobo inalámbriko i pa inspirá un movementu di habrimentu di Internèt. Nos ta mirando pa konstruí teknologianan ku lo hasié fásil pa suskritornan di Internèt por parti nan retnan wireless pa huéspetnan i e públiko miéntras ta mantené seguridat, protehá privasidat i konserbá kalidat di akseso. Nos ta siñando mundu tambe tokante e hopi benefisionan di wireless habrí pa asina yuda sosiedat alehá for di retnan será i pa un mundu den kua habrimentu ta e predeterminá. Nos esfuersonan ta sigui e opinion di e eksperto di seguridat di kòmpiuter rekonosé nashonalmente Bruce Schneier, kende ta konsiderá mantenshon di un nodo wireless habrí un asuntu di “kortesia básiko”: Kada bes ku mi papia òf skirbi tokante mi mes setup di seguridat, e úniko kos ku ta sorprendé hende—i ta atraé mas krítika—ta e echo ku mi ta manehá un ret wireless habrí na kas. No tin un kontraseña. No tin enkripshon. Tur hende ku tin kapasidat di wireless ku por mira mi ret por us’é pa haña akseso na internèt. Pa mi, e ta kortesia básiko. Proveé ​​akseso na internèt na huéspetnan ta manera proveé ​​kalor i koriente, òf un kòpi di te kayente. Nos ta trahando huntu pa defendé un mundu kaminda Internet lo ta disponibel pa mas hende miéntras ku tambe ta usa e spektrum mas efisientemente. I nos ta trahando pa desmentí mitonan (i konfrontá bèrdatnan) tokante wireless habrí miéntras ta krea teknologianan i presedente legal pa garantisá ku ta sigur, privá i legal pa habri bo ret.