Jami (antes GNU Ring, SFLphone) ta un softphone distribuí peer-to-peer kompatibel ku SIP i un mensahero instantáneo basá riba SIP pa Linux, Microsoft Windows, OS X, iOS i Android. Desaroyá i mantené pa e kompania kanades Savoir-faire Linux, i ku yudansa di un komunidat global di usuarionan i kontribuyentenan, Jami ta posishoná su mes komo un potensial remplasante di Skype grátis. Jami ta un software grátis i di kódigo habrí lansa bou di e Lisensia Públiko General di GNU. Na novèmber 2016, el a bira parti di e Proyekto GNU. Dos tipo di kuenta ta disponibel aktualmente, i hopi di kada tipo por wòrdu konfigurá simultáneamente. Tur dos tipo ta ofresé karakterístika similar inkluyendo mensahe, video i oudio. E tiponan di kuenta ta SIP i Ring. Un kuenta di SIP ta permití e softphone di Jami pa konektá na un servidor SIP standart i un kuenta di Ring por registrá (òf usa un kuenta set up) riba e ret desentralisá di Jami ku no ta rekerí un servidor sentral. Sinembargo, Jami ainda mester usa un servidor di bootstrap pa konektá hasiendo e no un plataforma di komunikashon berdaderamente liber di internèt manera su pretenshon. Dor di adoptá teknologia di tabel di hash distribuí (manera ta wòrdu usá, por ehèmpel, denter di e ret di BitTorrent), Jami ta krea su mes ret riba kua e por distribuí funshonnan di direktorio, outentikashon i enkripshon den tur sistema konektá na dje. Paketenan ta disponibel pa tur distribushon grandi di Linux inkluyendo Debian, Fedora i Ubuntu. Vershonnan separá di GNOME i KDE ta disponibel. Dokumentashon ta disponibel riba Ring su Tuleap wiki. Dia 18 di desèmber 2018, Ring a wòrdu renobá pa Jami.