Foldit ta un wega di video di puzzel online tokante plegamentu di proteina. E ta parti di un proyekto di investigashon eksperimental desaroyá pa Universidat di Washington, Sentro pa Siensia di Wega, den kolaborashon ku e Departamentu di Biokímika di UW. E ophetivo di Foldit ta pa dobla e strukturanan di proteinanan selektá mas perfekto posibel, usando hèrmèntnan suministrá den e wega. E solushonnan ku skor mas haltu ta wòrdu analisá pa investigadónan, ku ta determiná si tin òf nò un konfigurashon struktural nativo (estado nativo) ku por wòrdu apliká na proteinanan relevante den e mundu real. Despues sientífikonan por usa e solushonnan aki pa dirigí i eradiká malesanan i krea inovashonnan biológiko. Un artíkulo di 2010 den e revista di siensia Nature a duna krédito na e 57.000 hungadónan di Foldit ku a duna resultadonan útil ku a kuadra òf a surpasá solushonnan komputá algoritmikamente.