GParted (акроним GNOME Partition Editor) — GNU Parted-ын GTK ончыл ужашыже да GNOME-ын официальный раздел-влакым тӧрлатыше приложенийже (Disk-влак дене пырля). GParted дискысе ужаш-влакым да нунын файловый системыштым ышташ, кораҥдаш, кугытшым вашталташ, кусарыме, тергыме да копироватлыме годым кучылталтеш. Тиде у операционный системылан верым ышташ, дискыште кучылтмашым уэш организоватлаш, пеҥгыде дискыште улшо данныйым копироватлаш да ик разделым вес дене зеркальный ышташ (диск образым ыштымаш) пайдале.