Ko e Pa’anga Tokoni ki he Fānau ‘a e Pule’anga Fakatahatahá ko ha kautaha ia ‘a e Pule’anga Fakatahatahá ‘oku nau fatongia’aki hono ‘oatu ‘a e ngaahi tokoni fakaetangata mo fakalakalaka ki he fānau ‘i māmani lahí. ‘Oku tu‘u ‘i he ‘ulu‘i ‘ōfisi ‘o e U.N. ‘i he Kolo Niu ‘Ioké, ‘a ia ‘oku kau ia ‘i he ngaahi kautaha uelofea fakasōsiale ‘oku mafola mo ‘iloa taha ‘i he māmaní, ‘o ‘i ai ‘i he ngaahi fonua mo e ngaahi vahefonua ‘e 192. ‘Oku kau ‘i he ngaahi ngāue ‘a e UNICEF ‘a e huhu malu’i mo e ta’ofi ‘o e mahaki, fakahoko ‘a e faito’o ki he fānau mo e ngaahi fa’ē ‘oku nau ma’u ‘a e HIV, fakalahi ‘a e me’atokoni ‘a e fānau mo e ngaahi fa’ē, fakalelei’i ‘a e ma’a, poupou’i ‘a e ako, mo hono ‘oatu ‘o e tokoni fakavavevave ‘i he tali ki he ngaahi fakatamaki.