Ko e Evidence Action ‘oku fakataumu’a ia ke fakalelei’i ‘a e mo’ui ‘a e kakai ‘e laui miliona ‘i ‘Afilika mo ‘Esia. ʻOku fakafonu ʻe heʻemau foungá ʻa e vā ʻi he vahaʻa ʻo e fakatotolo fekauʻaki mo e “meʻa ʻoku ngāué” mo hono fakahoko ʻo e ngaahi fakaleleiʻanga maʻá e kakai ʻoku faingataʻaʻiá. ʻOku mau ngāue ʻi ha ngaahi fonua ʻe ono ʻi he kolopé pea ʻoku mau uesia lelei ha moʻui ʻe laungeau miliona ʻi he taʻu kotoa pē ʻi ha founga ʻoku lava ke fua ʻaki ʻemau fakahoko ʻemau ngaahi tokoni ʻoku makatuʻunga ʻi he fakamoʻoní ʻi he feituʻu ʻoku lahi taha ai ʻa e fie maʻú mo e faingamālié.

‘Oku mau ‘oatu ‘a e ngaahi ngāue tokoni ki he kakai faingata’a’ia taha ‘i he ngaahi fonua ko ‘ení ‘o tatau ai pē pe ko e hā honau matakali, lotu, tangata pe fefine, pe kau fakapolitikale. Ko e ni'ihi 'o e ngaahi fonua 'oku mau ngaue ai ko e ngaahi fonua temokalati fakafofonga ka ko e ni'ihi 'oku 'ikai. ‘Oku ‘ikai ‘aupito ke fakahaa’i ‘e he’emau ngaahi ngaue ‘i ha fonua ‘a e poupou ki he founga pule’anga ‘o e fonua ko ia, pea ‘oku mau hokohoko atu hono sivi’i ‘a e tu’unga fakapolitikale ‘i ha feitu’u pe ‘oku mau ngaue ai.