MediaWiki ta un motor di wiki grátis i open-source. El a wòrdu desaroyá pa uso riba Wikipedia na 2002, i a dun’é e nòmber “MediaWiki” na 2003. E ta keda den uso riba Wikipedia i kasi tur otro wèpsait di Wikimedia, inkluyendo Wikishonario, Wikimedia Commons i Wikidata; e wèpsaitnan aki ta sigui definí un gran parti di e rekisito fihá pa MediaWiki. MediaWiki a wòrdu desaroyá originalmente pa Magnus Manske i mehorá pa Lee Daniel Crocker. Su desaroyo for di e tempu ei a wòrdu kordiná pa Fundashon Wikimedia.