СОС Детските села познати и како „Спаси ја нашата душа“ е независна, невладина, непрофитна меѓународна развојна организација со седиште во Инсбрук, Австрија. Организацијата обезбедува хуманитарна и развојна помош за децата на кои им е потребна и ги штити нивните интереси и права ширум светот. Првото СОС детско село е основано во 1949 година во Тирол, Австрија од страна на австрискиот филантроп Херман Гмајнер, откако сфатил дека светската војна оставила многу деца сираци и запоставени. Денес, СОС Детските села се активни во 135 земји и територии ширум светот. СОС Детските села обезбедуваат алтернативни семејства на децата без соодветна родителска грижа. Деца од различна возраст и потекло живеат заедно во куќа со родител со полно работно време, обично жена која служи како родител на децата. Во типично СОС село обично има од 6 до 15 куќи. Покрај селата, организацијата, исто така, води цела палета на програми и капацитети за поддршка на социјално загрозените и сиромашните семејства преку нејзините субвенционирани детски градинки, основни и средни училишта, младински установи, социјални и медицински центри и операции за помош за итни случаи. Во 2017 година, над 85.000 деца и млади се одгледуваат во 572 СОС детски села и над 700 СОС младински установи. Уште 3,8 милиони деца и возрасни добија услуги од нивните други програми.