Xfce але XFCE (куд посна буква дене ойлалтеш) — Linux да Unix гай операционный системылан эрыкан да почылтшо ӱстембал среда. Xfce писын да куштылго лияш шона, тыгодымак визуально оҥай да кучылташ йӧнан. Xfce йӱла Unix философийым модульность да угыч кучылтмо йӧн дене шыҥдара. Тудо посна пакетлыме ужашла гыч шога, нуно пырля ӱстембал средан чыла функцийжым шуктат, но пайдаланышын кӱлешлыкшым да кумылжым шукташ подмножество дене ойырен налаш лиеш. Xfce-н эше ик приоритетше — стандарт-влакым шуктымаш, поснак freedesktop.org сайтыште палемдыме-влакым.