Wikivoyage — волонтёр-влакын возымо путешествий направлений да путешествий теме-влаклан яра интернет-ручка. Тиде Википедийын иза-шольо проектше, тудым тыгаяк коммерческий огыл Викимедиа фонд полша да вӱда. Викивояж «Путешествий гид-влакын Википедийышт» маналтеш. Проект тунам тӱҥалын, кунам 2006 ий сентябрьыште Wikitravel-ын немыч да вара итальян версийыштыже редактор-влак шке редактироватлымаш пашаштым, вара кызытсе контентым у сайтыш кусараш пунчалыныт, сайтын авторский правам пуымо лицензийже дене келшышын, тиде процедурым «форкинг» маныт. Лӱмын ыштыме сайт 2006 ий 10 декабрьыште «Wikivoyage» семын илышыш пурен да тидлан негызлыме немыч ушем оза лийын да виктарен, Wikivoyage e.V. (тудо тудын представительный ушемже семын умбакыже шуйна). Контент Creative Commons Attribution-ShareAlike лицензии почеш савыкталтын.