Project Gutenberg (PG) — тиде тӱвыра паша-влакым оцифроватлаш да архивироватлаш, «электрон книга-влакым ышташ да шаркалаш кумылаҥдаш» волонтёр-влакын тыршымышт. Тудым 1971 ийыште американ писатель Майкл С. Харт негызлен да эн тошто цифровой библиотекелан шотлалтеш. Тудын коллекцийыштыже улшо арвер-влак кокла гыч шукышт — мер книга-влакын тичмаш текстышт. Проект нуным лийме семын яра ышташ тырша, кужу жаплан, почылтшо форматыште, кудым кеч-могай компьютерыште кучылташ лиеш. 2018 ий 23 июньлан «Проект Гутенберг» яра электрон книга-влакын коллекцийыштышт 57 000 арверым ыштен. Релиз-влак тыглай текстыште улыт, но, йӧн лийме годым, моло формат-влакымат пуртат, мутлан, HTML, PDF, EPUB, MOBI да Plucker. Эн шуко релиз англичан йылме дене, но шуко англичан огыл произведений-влакат улыт. Ешартыш контентым пуышо икмыняр партнерский проект уло, тыгак региональный да йылме дене кылдалтше паша-влак. Проект Гутенберг тыгак Distributed Proofreaders дене чак кылдалтын, тиде сканироватлыме текст-влакым корректурым ыштыме интернет-сообщество.