No Pocket Science Lab Project creamos aplicacións de teléfono e de escritorio para recoller medicións e datos para resolver problemas globais coa ciencia e construír un mundo sostible. Coas aplicacións móbiles e de escritorio PSLab é posible utilizar sensores dun teléfono ou dun ordenador de escritorio para recoller medicións e datos. A aplicación inclúe un osciloscopio, un multímetro, un xerador de ondas, un analizador lóxico, unha fonte de enerxía incorporados e estamos constantemente engadindo máis instrumentos dixitais ou incluso controis robóticos. Coas aplicacións de PSLab, o teu teléfono ou PC convértese en moitos dispositivos nun só. Engadindo sensores de estándares abertos amplamente dispoñibles e a placa PSLab, podes ampliar o teu dispositivo para que sexa un laboratorio completo no peto. Podes recoller datos sobre o aire, a temperatura, a calidade da auga, o nivel de radioactividade e calquera cousa que poidas imaxinar. Unha vez que esteas listo, podes compartir os datos, sacar conclusións científicas e comezar a tomar medidas para cambiar o mundo que te rodea para que sexa máis sostible. E como desenvolvedor podes crear os teus propios complementos e interfaces para integrar as bibliotecas científicas de PSLab noutras solucións.