Cwtch está descentralizado e céntrase na privacidade dos metadatos ademais da privacidade das comunicacións. A diferenza doutras plataformas de comunicación, ningunha das túas mensaxes se encamiña a través dun servidor centralizado que teña acceso a metadatos como a túa rede social de amigos ou quen enviou e recibiu unha determinada mensaxe. Mesmo nos chats de grupo experimentais que dependen dun servidor de enrutamento, o servidor non obtén información sobre que mensaxes pertencen a que grupo, quen é un membro de que grupo ou a quen están destinadas as mensaxes. Cremos que as nosas ferramentas deben axudar ás persoas a resistir a vixilancia. Sábese que os metadatos das comunicacións son explotados por moitos adversarios para minar a seguridade dos sistemas; rastrexar persoas; e realizar análises de redes sociais a gran escala que se alimentan de sistemas de vixilancia masiva. E por iso, deseñamos Cwtch explícitamente para a privacidade dos metadatos.