Vikicitaro estas unu el familio de viki-bazitaj projektoj administritaj de la Vikimedia Fondaĵo, funkciante per MediaWiki-programaro. Surbaze de ideo de Daniel Alston kaj efektivigita de Brion Vibber, la celo de la projekto, kiu komenciĝis kiel elkreskaĵo al Vikipedio Famous Quotations, estas kunlabore produkti vastan referencon de citaĵoj de elstaraj homoj, libroj, filmoj, proverboj, ktp. kaj esti kiel eble plej taŭga rilate la detalojn de la citaĵoj kaj ankaŭ provizi la taŭgan homan referencon de la citaĵo. Kvankam ekzistas multaj retaj kolektoj de citaĵoj, Vikicitaro distingiĝas pro esti inter la malmultaj kiuj donas ŝancon al vizitantoj kontribui kaj la tre malmultaj kiuj klopodas disponigi precizajn fontojn por ĉiu citaĵo same kiel korektojn de misatribuitaj citaĵoj. Vikicitaraj paĝoj estas krucligitaj al artikoloj pri la famaj personecoj en Vikipedio. Komence, la projekto estis kreita nur en la angla; pli posta vastiĝo por inkludi kromajn lingvojn estis komencita en julio 2004.