Signal — тиде Signal Foundation ден Signal Messenger LLC-н ыштыме межплатформенный шифрованный серышым колтымо сервис. Тудо интернет дене пайдаланен, ик еҥлан да тӱшка серышым колта, тушко файлым, йӱк заметкым, сӱретым да видеом пуртен кертыт. Тудын мобильная приложенийже-влак тыгак икте-весе дене йӱк да видео йыҥгыр-влакым ыштен кертыт, а Android-версийже шке кумылын SMS-ан приложений семын пашам ыштен кертеш.

Signal стандарт сото телефон номер-влакым идентификатор семын кучылтеш да моло Signal пайдаланыше-влак дене чыла коммуникацийым лӱдыкшыдымӧ ышташлан мучаш гыч мучаш марте шифроватлымашым кучылтеш. Приложений-влак тыгай механизм-влакым пуртат, кудышт дене пайдаланыше-влак шке контактыштын личностьыштым да данный каналын целостностьшым посна терген кертыт.

Чыла Signal программе яра да почылтшо. Клиент-влак GPLv3 лицензии почеш савыкталтыт, а сервер кодшо AGPLv3 лицензии почеш савыкталтеш.